Монголын Авто Форум

Тоёотагийн ажлын морины талаар энд хэлэлцье. Юу ч гэсэн энэ машины талаар анхан шатны мэдээллүүдийг оруулнаа. 1984 он хүртэл Тоёотагийн ажлын морь нь 40 сери байлаа. Тухайн үед хүнд нөхцөлд зориулсан жийп урьдын адил хэрэгцээ ихтэй байсан ч аялалын зориулалттай машины хэрэгцээ ихэссэн байна. Үүнээс үүдэж бүхэлд нь шинэчилсэн шинэ загвар гаргах шаардлага гарсан. Энэ шинэ загвах нь өмнөх хатуу ширүүн нөхцөлд зохицсон бат бөх байдал болон хүчирхэг рам, нумыг хадгалж үлдэх ёстой байсан. Их биеийг 1мм-ээр зузаан болгожээ. Гадна төрхийн хувьд өргөх кирла, налуу шил зэрэг орчин үеийн шийдлүүдийг нэмж өгснөөр 40 серийн үндсэн төрх өөрчлөгдсөн.


25 жилийн турш үйлдвэрлэгдсэн 40 сери


70 сери

Анхнаасаа Америк, Канад зэрэг зарим орны зах зээлд гаргаагүй бөгөөд Япондоо 2004 он хүртэл худалдаалсан байдаг ба 2014 оноос 20 жилийн ойн загвар нь цөөн тоогоор дахин гарсан байдаг.

Урд хойноо нумтай, моторын хувьд маш олон сонголт бий манайд цуваа 6 цилиндэртэй 1HZ 4200cc дизел моторууд голчлон харагддаг. Энэ мотор нь механик апартуртай, турбогүй, ременэн дамжуургатай шууд бус цацалттай ба 3800rpm эргэлт дээр 129ps чадал, 2200rpm эргэлт дээр 285Nm мушгих хүч гаргадаг. Жанам нь 110А гаргана.



Загварын хувьд үндсэндээ урт ба богино 2 төрлийн тэнхлэгтэй. 4 хаалгатай урт тэнхлэг бүхий J75,J77 загварууд хамгийн өргөн тархсан байдаг.

Богино загварууд J70,J71,J72,J73,J74:


J70,J71 - тэнхлэг хоорондын зай 2310мм, нийт урт 4045мм, 5 хүний суудалтай


J73, J74-ийн хувьд тэнхлэг бага зэрэг урт бөгөөд авагддаг хатуу дээвэртэй. Тэнхлэг хоорондын зай 2600мм, нийт урт 4360мм, 5 хүний суудалтай

Урт загварууд J75,J77,J78,J79:


J77,J75 - тэнхлэг хоорондын зай 2730мм, нийт урт 4805мм, 5 хүний суудалтай


J78 troop carrier - тэнхлэг хоорондын зай 2980мм, нийт урт 4980мм, 3/6/11 хүний суудалтай. 180 литрийн 2ш банктай. Энэ загвар Японд худалдаалагддагүй


J79 utility - тэнхлэг хоорондын зай 3180мм, нийт урт 5085, 3 хүний суудалтай

1999 оны шинэчлэлээр урдаа нумны оронд пүрштэй болж хойд нумны урт нэмэгдсэн ба кузовын загварт өөрчлөлт ороогүй.


Хуучин загвар


Шинэ загвар

Ter J73/74 ih bolomjiin goy mashin daa, Y60-iig bol hol hayhaar sanagddag. 1FZ zoochihod ch bas l huurhun mangas bolno doo.

Ерэн хэдэн оны үед орж ирж байсан 70 сери маш хатуу явдалтай байсан санагддаг юм. Тэр үед 69-өөс ч хатуу санагдаж байж билээ. Хойд урдгүй нумтай.

70 сери нь 1999 он хүртэл H55F загварын МТ кроп тавигдаж байсан. Арааны харьцаа:
1-р араа: 4.843:1
2-р араа:2.619:1
3-р араа: 1.516:1
4-р араа: 1:1
5-р араа: 0.845:1
Ухрах араа: 4.843:1
Хүндрүүлэгч: 1.959:1

H55F-ийн 1-р араа нь Тоёотагийн бусад механик кроп дундаа хамгийн бага эргэлттэйн юм. Дифф-ны арааны харьцаа 4.11:1 байдаг. 1999 оноос хойших загваруудад TLC80-ийн илүү зөөлөн шилжилттэй H150F кроп тавигдаж эхэлсэн.

4WD системийн хувьд part-time ба урдаа автомат болон механик захийн дамжуулагчтай. Мөн урд хойд цахилгаан дифф түгжигч үйлдвэрээс нэмэлтээр тавигддаг. Эхэн үеийн загварууд троссон татуурган түгжигчтэй байсан.

Жингийн хувьд загвараасаа хамааран 1790-2275кг хүртэл ба J78 troop carrier-ийг оролцуулахгүйгээр бусад бүх загвар 90л-ийн банктай байдаг.



70 серийн хувьд 2007 онд томоохон шинэчлэл хийгдсэн. Урд 2 талын хөндлөн кирла байхгүй болсноор 40 сериэс хадгалж үлдсэн төрх ерөнхийдөө байхгүй болсон. Кузовын өөрчлөлтөөр урд тал нэлээн өргөн болж Евро-4 стандартын 4.5 V8 турбо дизел 1VD-FTV мотор суурилуулах зай гаргаж өгсөн. Шинэ дизел мотор нь Австралид зөвхөн гардаг ба бусад зах зээлд 1HZ мотор үргэлжүүлэн гарч байгаа юм.




2014 онд 70 сери үйлдвэрлэгдэж эхэлсний 30 жилийн ойд зориулан 4 хаалгатай GRJ76 болон пикап GRJ79 загваруудыг цөөн тоогоор Японы зах зээлд гаргаж эхэлсэн. Энэ нь V6 бензин 1GR-FE 4000сс багтаамжтай бөгөөд 5 шатлалт механик кроптай юм.

hugshruud 50 60 garaad ireheeree yah yum buu med, odoo bol gehdee hatuu shock-toi, hund mashin ih zugeer sanagdaad baigaa, hovil bolgon deer oij buugaad baihgvi, gehdee numiig bodvol shock absorber hamaagvi iluu biyd eeltei l dee.