Ariuka wrote:Тэгэлгүй дээ харамсхаас яахав
red wrote:сурахынхаа хажуугаар ажил хийж айгаа гэж найднам
Өнөөдөр ёстой өглөөнөөс хойш гүйж байгаад гайхалтай гоё юм болов. За гэхдээ энэ байдалд хүрэхэд эхлээд юу болсон талаараа хэлье.
5 дахь өдөр болгон 7 хоногийн хаалтын арилжаа гэдэг зүйл хийн бүх биржүүдийг хаан дуустал, хамгийн сүүлд Wallstreet хаагдтал арилжаа хийгддэг юм. Тийм болхоор 12 хүртэл оффис дээрээ урт цагаар ажилдаг гэхүү дээ. Гэтэл 5 цагийн үед нөгөө бүсгүй чинь өрөөнд орж ирээд их аятайхнаар:
- Өнөөдөр та хэд хүртэл ажиллах вэ? гэж асууж байна. Би хариуд нь энгийн тийм неитрал байдлаар
- 12 хүртэл.. гэчээд ажлаа хийж байтал 9 цагийн үед харин хуушуур бариад ороод ирдэг байгаа. Гэтэл би нөгөөхийг чинь үзэн ядах нь холгүй болоод байгаагүй бил үү? Хуушуурыг нь идчихээд саванд нь юм хийгээд өгөх гэтэл хийх юм байдаггүй. Ядахдаа өрөөн дотор байсан Мерси-г манай ажлын нэг залуу хүүхэн найрахдаа авч явна гээд яг тэр өдөр нь аваад явчихсан. Ямар цаас хийгээд өгөлтэй нь биш, харандаа хийлтэй нь биш гээд ерөөсөө дуудаад нэг уулзаадхая, ямархуу бодолтой, яаж ажиллах гэж байгаа хүн бэ гээд асууя гээд дуудав.
10.30-н үед оройн цэвэрлэгээгээ дуусчаад манай өрөөнд орж ирэхээр тов товлоод гараад явав. Цаг ч боллоо, хамар духных нь хөлс нь бурзайсан, ариутгалын бодис үнэртүүлсэн хүн орж ирж байна. Тэгээд надад ярьж байгаа нь их энгийн байв. Хуулийг төгсчөөд найз бандитайгаа хамт энд сурна гээд, нөгөө залуугаа дагаад аялалын визагаар ирсэн юм байна. Гэтэл нөгөө залуу зангаа хувиргаад хүний газарт айлын охиныг орхиод алга болж гэнэ. За байг, үнэнийг нь хэлэхэд өөр хотод сургуульд яваад "чи Берлинд үлд, би чамайг ирж авна, байр олчоод ирээд авна" гээд молиг үмхүүлээд алга болсон гэнэ. 4 сар хүлээгээд ирээгүй. Энэ 4 сарын хугацаанд энэ охин анх ирсэн гэрээний хэлний курсдээ суугаад овоо хэл сурсан болхоороо ажил олох хэрэгтэй гээд зар хайтал ажлын визагүй гээд хэн ч авахгүй байсан гэнэ. Гэтэл манай HR дээр үнэнээ хэлээд heavy duty cleaning буюу 00, шал, өрөө тасалгаа гээд бүхнийг цэвэрлэх ажилд ороод 7 хоногийн минимум нь 48 цаг, макс нь 70 цаг ажиллахаар тохироод орсон юм гэнэ. Энэ цэг хүртэл хийснийг нь би хүндлэв. Эмэгтэй хүүхэд, тийм жаахан хүүхэд учраа олох гээд ингэж яваа нь гайхамшиг гээд би хэлэх үггүй болов.
Би тийм нэг хүнийг яриулж чаддаг их хачин хүн. Яадаг ч байсан хэлүүлэх гэсэн юмыг нь хэлүүлж байж л санаа амардаг гэх үү дээ. Түүний дараагаар мэдээж миний ярих ээлж эхлэв. Би асуулаа
- Чи 70 цаг цэвэрлэгээ хийгээд, энэ давхарт байгаа 6-н 00-г өдрийн 3, коридор болгоныг өдрийн 2 арчих ийм хэцүү ажлыг хэр удаан хийнэ? гэж асуулаа.
- Ямартай ч юунд ч санаа зовохгүйгээр сургуульд сурах мөнгөө хийтлээ хийнэ. Хэдэн ч жил хийсэн хамаагүй. Хэлний курс гээд л визагаа сунгаад хийгээд байж болох байх... гэж байна.
Яасан бэлэн хариулттай цовоо охин бэ гэж бодоод энэ хэл сайтай байж таарсаар байтал яахаараа шал угааж байдаг байнаа. Чамд арай өөр, хүнтэй харьцдаг, бас суудаг, инээгээд бусадтай хамтран ажилладаг ажил олж өгнө гээд ам гарчихав. Гэдэс цатгалан зан сайтай байсан болхоор тэгж хэлчээд оройн ээлжийн албаны хоолны газарлуу оров.
Менежэр нь сууж байна. Марк Ватенберр гээд нилээд алдартай маш сайн тогооч. Канселлар, гишүүдийн хүлээн авалтын хоолыг гардан хийдэг нөхөр. Би үнэнээ хэлэв. Монголоос ирсэн ийм ажилсаг хүн байна. Танай касс, порцлогч дээр чинь ажиллуулмаар байна. Би арай л энэ хэл сайтай хүнээр цэвэрлэгээ хийлгэж чадахгүйнэ гээд хэлээд авав.
-Дуудаад ир гэж Марк хэллээ. Тэгээд л анхны хичээлийг оройн 11 цагт өөрийн гараар дарга нь яаж ажиллах зэргийг нь заагаад 7 хоногт 4 өдөр нь өглөө, 1 өдөр нь оройн ээлжээр макс-60 цаг ажиллахаар гэрээний солилт хийв. Одоо тэр охин бусад хүмүүстэй харьцан, ямар хоол авахыг нь асуун, тэр хоолыг нь буфетэнд аяга, тавганд хийж өгөн, хэрвээ хүн кофе авах бол аль кофег авахыг нь аягалан, мөнгийг нь тооцон кассанд хийдэг, цэвэрхэн хувцас өмсөөд хүний өмнө ажилладаг болов.
Өөрөөрөө бахархах, онгирох гэсэнгүй. Хүн хүндээ боломжийг олгон, өөрийнхөө чадах зүйлд 1 цагийг зарцуулахад л, тэр хүний цаашдын хичнээн жилийн байдлыг өөрчлөхийг тааж мэдэшгүй гэдгийг л би мэдэрлээ.
